काठमाडौँ । आइसिसी विश्वकप लिग २ को अन्तिम त्रिकोणात्मक ओडिआई सिरिजमा युएईका ब्याटर आसिफ खानले कीर्तिमानी शतक बनाएका छन् ।
आसिफले ४१ बलमा ४ चौका र ११ छक्काको सहयोगमा आफ्नो शतक पूरा गरे । आसिफले ४८ औ ओभरमा नेपालका स्पिनर सन्दीप लामिछानेको बलमा लगातार ४ छक्का प्रहार गरेका थिए ।
यससँगै उनी ओडिआई इतिहासकै सर्वाधिक छिटो शतक हान्ने चौथो खेलाडी बनेका छन् । युएईबाट भने सर्वाधिक छिटो शतक हान्ने खेलाडी बनेका छन् ।
आसिफको विष्फोटक कीर्तिमानी शतकमा युएईले नेपाललाई जितको लागि ३ सय ११ रनको विशाल लक्ष्य दिएको छ ।
