काठमाडौँ । आईसीसी विश्वकप क्रिकेट लिग–२ अन्तर्गत त्रिदेशीय एकदिवसीय श्रृंखलामा यूएईले पपुवा न्युगिनी (पिएनजी)लाई पराजित गरेको छ ।
कीर्तिपुरस्थित टियु मैदानमा बुधबार भएको खेलमा यूएईले पिएनजीलाई ६ विकेटले हराएको हो । पिएनजीले दिएको २३५ रनको विजयी लक्ष्य पछ्याएको यूएईले ३८.४ ओभरमा ४ विकेटको क्षतिमा लक्ष्य भेटाएको हो ।
यूएईका लागि कप्तान मुहम्मद वासिमले सर्वाधिक ११९ रनको शतकीय पारी खेले । विष्फोटक इनिङ्स खेलेका उनले १२ छक्का र ६ चौका प्रहार गरे । यस्तै, भृत्य अरविन्दले ५६ बलमा ३३ रन जोड्दा आयान अफजल खानले ३८ बलमा २७ रनको योगदानी दिए । यस्तै, चुन्डांगापोइल रिजवान ४४ बलमा २९ रनसहित अविजित रहे । आसिफ खानले ३ बलमा ११ रन जोडे ।
पिएनजीका रिले हेकुरेले दुई तथा काबुआ मोरीयाले एक विकेट लिए । त्यसअघि टस जितेर पहिले ब्याटिङ थालेको पिएनजीले निर्धारित ५० ओभरमा सात विकेटको क्षतिमा २३४ रन जोड्यो ।
पिएनजीका लागि कप्तान अशाद भालाले सर्वाधिक ६५ रनको योगदान दिए । ९२ बल खेलेका उनले ६ चौका र एक छक्का प्रहार गरे । यस्तै, नोर्मान भनुआ ४९ बलमा अविजित रहे ।
यस्तै, रिले हेकुरेले २२ बलमा ३३ रन जोड्दा किप्लिन डोरिगाले ६० बलमा २४ रन बनाए । आल्र्स अमिनिले ४४ बलमा २२ रन जोडे भने गाउडी टोकाले २५ बलमा १५ रन जोड्दै पेभिलियन फिर्ता भए ।
यूएईका लागि हजरत बिलालले चार विकेट लिँदा रोहन मुस्तफा र जवार फरिदले एक–एक विकेट लिए ।
