काठमाडौँ । अन्तर्राष्ट्रिय क्रिकेट परिषद् (आइसिसी) को नयाँ ओडिआई वरियतामा नेपालले सुधार गरेको छ । आइसिसीले सार्वजनिक गरेको नयाँ वरियतामा नेपाल एक स्थान सुधार गर्दै १६ औं स्थानमा उक्लिएको हो ।
नेपाल यसअघि १० मार्चमा भएको वरियतामा १७ औं स्थानमा थियो । नेपालले नामिबियालाई पछि पार्दै १६ औं स्थानमा उक्लिएको हो । नेपाल भन्दा पछि नामिबिया १७ औं, अमेरिका १८ औं, युएई १९ औं र पपुवा न्युगिनी २० औं स्थानमा छन् भने नेपाल भन्दा अघि ओमान १५ औं, नेदरल्यान्ड्स १४ औं, जिम्बावे १३ औं र स्कटल्याण्ड १२ औं स्थानमा छन् ।
यसैगरी भारत शीर्षस्थानमा रहँदा अष्टेलिया दोस्रो, न्युजिल्यान्ड तेस्रो, इंग्ल्यान्ड चौथो र पाकिस्तान पाँचौं स्थानमा रहेका छन् । टि–२० आई वरियतामा भने नेपाल १६ औं स्थानमा यथावत छ ।
