काठमाडौँ । आईसीसी विश्वकप क्रिकेट लिग–२ अन्तर्गत त्रिदेशीय एकदिवसीय श्रृंखलामा आज पपुवा न्युगिनी (पिएनजी) र यूएईबीच प्रतिस्पर्धा हुँदैछ । कीर्तिपुरस्थित टियु मैदानमा खेल बिहान साढे ९ बजेदेखि सुरु हुनेछ ।
लिग–२ मा पिएनजीको यो अन्तिम खेल हो । ३५ खेलमा ५ मा जित २९ मा हारसहित ११ अंक जोडेको पिएनजी तालिकाको पुछारमा छ ।
यूएई ३४ खेलमा १४ मा जित र १७ मा हारसहित ३१ अंकका साथ छैटौँ स्थानमा छ । भोलि बिहीबार नेपाल र यूएईबीच श्रृंखलाको अन्तिम खेल हुनेछ ।
नेपाल ३५ खेलमा १८ मा जित र १५ मा हारसहित ३८ अंकका साथ चौथो स्थानमा छ । नेपाल अगाडि ३९ अंकका साथ नामिबिया तेस्रो र नेपालपछि ३५ अंकका साथ अमेरिका पाँचौ स्थानमा रहेका छन् ।
