काठमाडौं । नायिका वर्षा सिवाकोटीको विवाह भएको एक वर्ष नपुग्दै सम्बन्धविच्छेद भएको छ ।
वर्षाले गत वैशाख ९ गते अमेरिका बस्दै आएका आशिष गेलसँग लगनगाँठो कसेकी थिइन् । छोटो समयको प्रेमपछि उनीहरुले परम्परागत तवरले विवाह गरेका थिए। तर, आपसी असमझदारीका कारण उनीहरु १० महिनामै अलग भएका हुन् ।
बिहेपछि वर्षा पनि अमेरिका गएर श्रीमान आशिषसँग बस्न थालेकी थिइन् । तर, उनी छोटो समयमै नेपाल फर्किएकी थिईन् । उनले सामाजिक सञ्जालबाट श्रीमानका तस्वीरहरु हटाएपछि सम्वन्धमा दरार आएको शंका गर्न थालिएको थियो । तर, आशिषले अर्को विवाह गरेपछि शंका सत्यतामा बदलिएको छ ।
आशिषले झापाकी युवती समिक्षा विमलीसँग मागी विवाह गरेका छन् । उनीहरुको हिजो झापामै विवाह भएको हो ।
