काठमाडौँ । राष्ट्रिय प्रजातन्त्र पार्टी (राप्रपा) को केन्द्रीय कार्यसम्पादन समितिको बैठक सुरु भएको छ । राष्ट्रपति निर्वाचनका बारेमा कसलाई समर्थन गर्ने भन्ने विषयमा निर्णय लिन पार्टी केन्द्रीय कार्यालय धुम्बाराहीमा केहीबेरअघि बैठक सुरु भएको हो ।
बैठकमा राष्ट्रपति निर्वाचनबारे छलफल भइरहेको प्रवक्ता मोहन श्रेष्ठले जानकारी दिए । उनका अनुसार समसामयिक राजनीतिक विषय पनि बैठकका एजेन्डा रहेका छन् ।
राष्ट्रपतिको निर्वाचन भोलि बिहीबार हुँदैछ ।
आठ दलीय गठबन्धनका रामचन्द्र पौडेल र एमालेका सुवास नेम्वाङले छुट्टाछुट्टै भेटेर राप्रपासँग भोट मागिसकेका छन् ।
