एजेन्सी । चर्चित दक्षिण भारतीय एवं बलिउड अभिनेत्री तमन्ना भाटियाले यसपालिको होली नेपालमा मनाएकी छन् । उनले मंगलबार आफ्नो इन्स्टाग्राममा केही तस्बिरहरु पोस्ट गर्दै आफू नेपालमा रहेको जनाएकी हुन् ।
उनले लेखेकी छन्, ‘ह्याप्पी होली फ्रम नेपाल ।’ उनको तस्बिरको पृष्ठभूमि हेर्दा उनी काठमाडौं बत्तिसपुतलीस्थित पाँचतारे होटल द्वारिकामा बसेको अनुमान गर्न सकिन्छ ।
उनी छुट्टी मनाउन वा अन्य कुनै उद्देश्यले नेपाल आएकी हुन् भन्नेबारे खुल्न सकेको छैन । सुपरहिट फिल्म ‘बाहुबली’को दुईवटै भागमा मुख्य भूमिकामा काम गरेकी उनको नेपालमा समेत राम्रो फ्यान फलोइङ छ ।
