एजेन्सी । गत वर्ष कन्नड फिल्म ‘केजीएफ’ र ‘कान्तारा’ले उत्तर भारतमा झण्डा फहराएका थिए । नयाँ वर्षमा साउथबाट चलचित्र ‘कब्जा’ रिलिज हुँदैछ ।
निर्माता आनन्द पण्डितले पनि यसमा ठूलो बाजी लगाएका छन् । उनी यस फिल्मका सह–निर्माता हुन् । यो ठूलो बजेटको फिल्म भएको बताइएको छ ।
यसमा किच्चा सुदीप र अभिनेता उपेन्द्र राव मुख्य भूमिकामा छन् । फिल्मको कथा स्वतन्त्रताको समयको हो ।
दैनिक भास्करसँगको कुराकानीमा आनन्द पण्डितले भने– ‘स्वतन्त्रता हुनुअघिको भारत र त्यसपछिको भारतको तरिका फरक छ । त्यसैगरी, कोभिड–१९ अघिको सिनेमा र अहिलेको सिनेमामा फरक हुने भएको छ । त्यो किनभने कोविडका कारण ओटीटी बलियो भएको छ । मानिसको फिल्म हेर्ने बानी फेरिएको छ ।’
कब्जा यस्तै एउटा चलचित्र हो । हामी यसलाई १२०० स्क्रिनमा रिलीज गर्नेछौं । यो मूलतः कन्नडमा छायांकन गरिएको फिल्म हो । यसलाई अन्य भाषाहरूमा डब गरिएको छ । कब्जाको प्रत्यक्ष तुलना केजीएफ २ सँग गर्नुपर्छ भन्ने पनि आनन्द पण्डित स्वीकार्छन् ।
