काठमाडौं । नेकपा एमालेका महासचिव शंकर पोखरेलले चुनावअघिको पाँच दलीय गठबन्धनलाई जनताले अस्वीकार गरेपछि मुलुक बचाउन माओवादी केन्द्रका अध्यक्ष पुष्पकमल दाहाल प्रचण्डसँग सहकार्य गर्न आफूहरू बाध्य भएको बताएका छन् ।
२४ औँ यदु स्मृति दिवस कार्यक्रमलाई सम्बोधन गर्दै महासचिव पोखरेलले यस्तो बताएका हुन्।
अहिले प्रचण्ड जसकाविरुद्ध जनयुद्ध गरेर हिँडेको थियो उसैलाई राष्ट्रपति बनाउन हिँडेको महासचिव पोखरेलले बताए । ‘जनादेशले एमालेले नेतृत्व दाबी गर्ने प्रकृतिको छैन भनेका थियौँ। तर, पाँच दलीय गठबन्धन पनि असफल भइसकेपछि त्यसबाट मुलुकलाई जोगाउन आवश्यक छ भनेर नै हामीले माओवादी केन्द्रसँग एकता र सहकार्यको पहल गर्यौँ र प्रचण्डलाई प्रधानमन्त्री बनायौँ, उनले भने ।
देशमा आर्थिक संकट बढेको बेला नयाँ सरकार बनेपछि केही आसाको सञ्चार भएको महासचिव पोखरेलले दाबि गरे । अहिले देश र जनताको पक्षमा उभिँदा एमालेमाथि चौतर्फी घेराबन्दी र आक्रमण भइरहेको उनले बताए ।
