काठमाडौं । बालुवाटारमा जारी चार दलको बैठक फेरि पाँच बजे बस्नेगरी सकिएको छ ।
बैठकपछि संचारकर्मीसँग कुरा गर्दै कांग्रेस महामन्त्री गगन थापाले पाँच बजे बस्ने बैठक राष्ट्रपति टुंग्याउने बताए ।
महामन्त्री थापाले कांग्रेससहित चारै दलले राष्ट्रपतिमा आ-आफ्नो प्रस्ताव राखेको बताएका छन् । यद्यपी उनले आकांक्षी नामबारे केही खुलाएनन् । ‘सबैले आ-आफ्नो दलमा छलफल गरेर भरे ५ बजे बस्छौं । भरे ५ बजेको बैठकपछि हामी एकै ठाउँ उभिन्छौं’, गगनले भने ।
छलफल सकारात्मक रहेको र पाँच बजेपछि ठोस निर्णय गर्ने बताए । ‘कांग्रेसले माओवादी, नेकपा एस र जसपासँग छलफल गरेका छौं । विभिन्न विकल्पबारेमा प्रस्ताव आएको छ । छलफल सकारात्मक छ ।’, गगनले भने, ‘फेरि आआफ्नो दलमा साँझ पाँच बजे बस्नेगरी टुंग्याउछौं। पाँच बजे बसेर एकैठाउँमा उभिएर ठोस निर्णय गर्ने बताए ।
