काठमाडौं । पूर्वप्रधानमन्त्री झलनाथ खनाल सार्क हुमेन राइट्स फाउन्डेसनको आयोजनामा हुन गइरहेको ‘अन्तर्राष्ट्रिय मापदण्डअनुसार बंगलादेशमा मानव अधिकारको अवस्था’ नामक सम्मेलनमा प्रमुख अतिथिकन रुपमा सहभागी हुन आज बंगलादेशको राजधानी ढाका प्रस्थान गर्नुभएको छ ।
पूर्वप्रधानमन्त्री खनालको साथमा उहाँकी धर्मपत्नी रविलक्ष्मी चित्रकार, नेकपा (एकीकृत समाजवादी) पार्टीका केन्द्रीय सदस्य ताज मोहम्मद मियाँ, नेकपा ९एकीकृत समाजवादी० पार्टीका केन्द्रीय विदेश विभाग सचिव डा शंकर खतिवडा रहनुभएको छ ।
पूर्वप्रधानमन्त्री खनालले भोलि ढाकास्थित सर्वोच्च अदालतमा आयोजित ‘मानव अधिकार सम्मेलन–२०२३’ लाई प्रमुख अतिथिका रुपमा सम्बोधन गर्नुहुनेछ । भोलि नै पूर्वप्रधानमन्त्री खनाल र बंगलादेशकी प्रधानमन्त्री शेख हसिनाबीच शिष्टाचार भेटघाट गर्ने कार्यक्रम तय भएको छ । साथै, अन्य उच्चस्तरीय भेटवार्ताहरु पनि तय भएको छ ।
