काठमाडौं । नेपाली क्रिकेट टोलीका ब्याट्सम्यान ज्ञानेन्द्र मल्लले टियु क्रिकेट मैदानका कर्माचारीलाई धन्यवाद दिएका छन् । ज्ञानेन्द्रले बुधबार सामाजिक सञ्जालमार्फत टियुका कर्माचारीहरुलाई धन्यवाद दिएका हुन् ।
ज्ञानेन्द्रले मैदानका कर्माचारीलाई पर्दापछाडिको खेलाडीको संज्ञा दिएका छन् । उनले भनेका छन्, ‘मैले खेल्न सुरु गरेकै दिनबाट यो तस्विरमा हुनुभएका मध्य धेरै अनुहारलाई कीर्तिपुर मैदानवरीपरी देख्दै आएको छु । प्रमुख क्यरेटर मधु दाई, मण्डल दाई वहाँको परिवार लगायत उहाँहरु धेरै जनाको नेपाली क्रिकेट पर्दापछाडिको खेलाडी हुनुन्छ । उहाँहरुको योगदान हामी ग्राउन्डमा क्रिकेट खेल्नहरु जतिकै महत्पूर्ण छ।’
नेपाली क्रिकेट टिमले पाएको सफतामा खेलाडि मात्र नभएर मैदानमा सघाउने सबैजना प्रसंशाको हकदार भएको उनले बताए । ‘आज हामी नेपाली क्रिकेट टिमले पाएको सफतामा खुशी मनाई रहँदा वहाँहरुको लगायत टियु क्रिकेट मैदान सघाउने सबैजना प्रसंशाको हकदार हुनुन्छ ।’, ज्ञानेन्द्रले भने, ‘तपाईहरु सबैजनाको मिहिनेत, लगनशीलताको लागि धेरै धेरै धन्यावाद छ । हामी सबैसँगसँगै बुढो हुँदै गइयो नि है’।
नेपाली क्रिकेट टिमका मुख्य प्रशिक्षक मोन्टी देशाईले पनि टियु क्रिकेट मैदानका कर्माचारीलाई धन्यवाद दिदै आएका छन् । खेलपछि पत्रकारसँगको कुराकानीमा मोन्टीले मैदानका कर्माचारीलाई विशेष धन्यवाद दिएका थिए ।
