काठमाडौँ । नेकपा (एकीकृत समाजवादी) का अध्यक्ष एवं पूर्वप्रधानमन्त्री माधव कुमार नेपालसँग चिनियाँ राजदूत छन सङले भेटवार्ता गर्नुभएको छ । अध्यक्ष नेपालको नीजि निवास कोटेश्वरमा बुधबार दिउँसो उहाँहरुबीच भेटवार्ता भएको हो ।
भेटमा अध्यक्ष नेपालले नयाँ राजदूतलाई स्वागत गर्दै कार्यकाल सफलताको शुभकामना दिनुभएको थियो । यस्तै, राजदूत सङले राजदूतको रूपमा नेपाल आउन पाउँदा खुसी लागेको बताउँदै आफ्नो कार्यकालमा सबैबाट सहयोगको अपेक्षा गरेको बताउनुभयो ।
उहाँहरूबीच नेपाल चीन सम्बन्ध र द्विपक्षीय हितका विविध बिषयमा कुराकानी भएको अध्यक्ष नेपालको नीजि सचिवालयले जनाएको छ ।
