काठमाडौँ । नागरिक उन्मुक्ति पार्टीले लालआयोगको प्रतिवेदनबारे प्रधानमन्त्री पुष्पकमल दाहाल प्रचण्डको धारणा माग गरेको छ । बुधबार प्रतिनिधिसभामा विशेष समय लिएर नागरिक उन्मुक्ति पार्टीका सांसद गंगाराम थारूले प्रधानमन्त्रीको धारणा माग गरेका हुन् ।
उनले भने, ‘लाल आयोगको प्रतिवेदन सार्वजनिक गर्न पटक–पटक भनिरहेका छौँ । पटक–पटक प्रधानमन्त्रीबाट यो धारणा व्यक्त हुन सकेको छैन ।’
विगतमा पनि यस्तो माग गर्दै आएपनि प्रधानमन्त्रीको धारणा नआएको भन्दै उनले सदनमा अवरोधको सुरुवात गर्ने तयारीमा रहेको समेत बताए । ‘त्यसैले गर्दा अब हामी आजैदेखि सदन विरुद्धको तयारीमा छौं’ उनले भने ।
