काठमाडौं । यू-१९ राष्ट्रिय क्रिकेट टोलीका कप्तान देव खनालले यूएईबाट विजेता ट्रफि लिएर फर्कने बताएका छन् ।
आईसीसी यू-१९ पुरुष विश्वकपको एसिया छनोट खेल्न यूएई जानु अघि बिदाइ कार्यक्रममा बोल्दै कप्तान देवले राष्ट्रलाई गर्व गराउने फोकसमा टिम अघि बढेको बताएका हुन् ।
‘सबै कुराहरु राम्रो छ । पोखरामा क्याम्प भयो । तीन वटा अभ्यास खेल पनि खेल्यौं । समग्रमा टिम राम्रो रहेको छ । एयटा गोल लिएर गईरहेका छौ । राष्ट्रलाई गर्व गराउने यसैमा फोकस छ ।’, देवले भने, ‘मेन हाम्रो फास्ट बलिङ चै राम्रो रहेको छ । रनरअप हुनेत चान्स नै छैन हामी विजेता ट्रफि नै लिएर आउछौ ।सबैबाट राम्रो हुने आशा छ ।’
कप्तान देवले आफुमा ठूलो जिम्मेवारी रहेको बताए । उनले भनुमेरो भूमिका एकदम महत्वपूर्ण रहेको छ । म भनेको कप्तानको रुपमा रहेको सिनियर खेलाडी हुँ । टिमलाई लिएर जाने मैले नै हो जस्तो लाग्छ । एकदमै ठूलो जिम्मेवारी छ । त्यसलाई पूरा गर्नुछ जसरी भए पनि ।
नेपालले २०१६ को बंगलादेशमा भएको विश्वकप पछिका तीन विश्वकपमा स्थान बनाउँन असफल हुदै आएपनि यस पटक ट्रफि हात पार्ने लक्ष्य रहेको कप्तान देवले बताए । ‘म एकदम फोकस छु । यसमा राम्रो गरेर राष्ट्रलाई जिताएर ल्याएर सिनियर टिममा फेरी आउनुछ । यस पटक विश्वकपमा छनोट हुने राम्रो सम्भावना रहेको छ ।,’ उनले भने, ‘हामीसँग जगत गुरु हुनुहुन्छ । उहाँ आफैमा नेपाली क्रिकेटका लागि लकि हुनुहुन्छ । जगत गुरुका हरेक कार्य गर्दा टिम सन्तुलित बनेको छ ।’
मंगलबार मात्र नेपाल क्रिकेट संघ(क्यान)ले खनाललाई कप्तानीको जिम्मेवारी दिएको थियो । शुक्रबारबाट सुरु हुने यस प्रतियोगितामा नेपालले उपाधि जित्न सकेमा २०२४ मा श्रीलंकामा हुने यू-१९ विश्वकप खेल्न पाउनेछ । नेपाली यू-१९ टोलीको कप्तानी गरिरहेका देवले सिनियर टोलीबाट खेलि सकेका छन् ।
