काठमाडौं । नेपालका ओपनर आशिफ शेखले अर्धशतक पूरा गरेका छन् । त्रिवि मैदानमा जारी आईसीसी विश्वकप क्रिकेट लिग टु को त्रिदेशीय सिरिज अन्तर्गत नामिबियाविरुद्ध आसिफले ६२ बलमा अर्धशतक पूरा गरेका हुन् ।
आसिफको यो नेपालका लागि एकदिवसीय अन्तराष्ट्रियमा छैटौं अर्धशतक हो ।
यस्तै, पूर्व कप्तान ज्ञानेन्द्र मल्लले पनि अर्धशतक पूरा गरेका छन् । ज्ञानेन्द्रले ६४ बलमा अर्धशतक पूरा गरेका हुन् । ज्ञानेन्द्रको यो नेपालका लागि एकदिवसीय अन्तराष्ट्रियमा सातौं अर्धशतक हो ।
मल्ल यस अर्धशतकसँगै नेपालका लागि सर्वाधिक धेरै अर्धशतक बनाउने क्रिकेटर पनि बनेका छन् । यो समाचार तयार पार्दासम्म २७५ रनको विजयी लक्ष्य पछ्याएको नेपाल २६.१ ओभरमा २ विकेटको क्षतिमा १४८ रनको स्थितीमा छ ।
