काठमाडौं । नेपाली राष्ट्रिय क्रिकेट टिमका लेग स्पिनर सन्दीप लामिछाने आईसीसी पुरुष क्रिकेट विश्वकप क्रिकेट लिग २ मा सबैभन्दा धेरै विकेट लिने तेस्रो बलर बनेका छन् ।
कीर्तिपुरस्थित त्रिवि क्रिकेट मैदानमा जारी लिग २ अन्तर्गतकै त्रिदेशीय एकदिवसीय शृंखलामा नामिबियाविरुद्ध तीन विकेट लिएका सन्दीपलाई यो सफलता मिलेको हो ।
लिग २ मा २३ खेल खेलेका सन्दीपले ३.९१ को इकोनोमीमा ५१ विकेट पुरा गरे । यता, शीर्ष स्थानमा ओमानका बिलाल खान रहेका छन् । उनले ७६ विकेट लिएका छन् । यस्तै, सौरभ नेत्रवाल्करको ५८ विकेटसहित दोस्रो स्थानमा रहेका छन् ।
