काठमाडौँ । प्रहरीले कीर्तिपुरस्थित त्रिवि क्रिकेट मैदानबाट सट्टाबाजीको आंशकामा एक जनालाई पक्राउ गरेको छ ।
त्रिवि मैदानमा जारी आइसिसी विश्वकप क्रिकेट लिग २ अन्तर्गत त्रिकोणात्मक एकदिवसीय शृङ्खला भइरहेको बेला एक व्यक्तिलाई पक्राउ गरिएको हो ।
केन्द्रीय अनुसन्धान ब्युरोका प्रहरी उपरीक्षक सञ्जयसिंह थापाका अनुसार ती व्यक्तिलाई सट्टाबाजीमा संलग्न भएको आशंका लागेर मैदानबाटै नियन्त्रणमा लिइएको छ ।
त्रिवि मैदानमा अहिले नेपाल र स्कटल्याण्डबीच प्रतिस्पर्धा भइरहेको छ । स्कटल्याण्डले नेपालसामु २७५ रनको विजयी लक्ष्य प्रस्तुत गरेको छ ।
