एजेन्सी । आज भ्यालेन्टाइन डे हो तर धेरै मानिसहरू आफ्नो मनको कुरा गर्न डराउँछन् । निकटताले केहीलाई बाधा पुर्याउँछ ।
तपाईले सोचिरहनु भएको होला कि प्रियजनसँग कसलाई डर लाग्छ तर यो पनि सत्य हो कि संसारमा करोडौं मानिसहरु छन् जो कसैको नजिक पुगेर आफ्नो मनको कुरा भन्न डराउँछन् ।
रिसर्चगेटको रिपोर्ट अनुसार विश्वका करिब ३० देखि ४० प्रतिशत मानिस यस्ता मानसिक भ्रमले घेरिएका छन् र आफ्नो मनको कुरा गर्न नसक्ने हुन्छन् । यस्ता व्यक्तिको मनमा चाहना र माया दबिएर रहन्छ । उनीहरुले चाहेर पनि कसैको हात समात्ने हिम्मत जुटाउन सक्दैनन् । यसलाई ‘फियर अफ इन्टिमेसी’ भनिन्छ ।
‘अन्तरियताको डर’ भन्नाले कसैसँग नजिक हुने डर, घनिष्ठ सम्बन्धको डर हो । यो समस्या किशोरकिशोरी वा युवा दम्पतीमा मात्रै नभई विवाहित जोडीलाई पनि यो समस्या देखिएको छ । यो समस्यालाई लामो समयसम्म बेवास्ता गरियो भने मानिसको अन्तरक्रिया कम हुन्छ । कतिपय यही डरले सम्बन्धलाई टाल्छन् वा कहिल्यै विवाह गर्दैनन् ।
