काठमाडौं । नेपाली राष्ट्रिय महिला फुटबल टोली भारत प्रस्थान गरेका छन् । चेन्नईमा फेब्रुअरी १५ र १८ मा हुनलागेको मैत्रीपूर्ण खेलको लागि नेपाली टोली सोमबार बिहान भारत प्रस्थान गरेका हुन् ।
अखिल नेपाल फुटबल संघ (एन्फा) ले आइतबार नै नेपाली टोलीलाई बिदाइ गरेको थियो ।
नेपाली टोलीका मुख्य प्रशिक्षक अनन्त राज थापाले खेलका लागि एन्जिला तुम्बाप्पो सुब्बाको कप्तानीमा २३ सदस्यीय टोलीको घोषणा गरेका छन् ।
नेपाली टोली:
गोलकिपरः एन्जिला तुम्बापो सुब्बा, अञ्जना राना मगर, उषा नाथ
डिफेन्डरः हिरा कुमारी भुजेल, घिमकुमारी गुरुङ, अमृता जैशी, गीता राना, निशा थोकर, विमला विक, समीक्षा घिमिरे
मिडफिल्डरः विमला चौधरी, सविता राना मगर, सरु लिम्बु, दीपा शाही, रेणुका नगरकोटी, अनिता बस्नेत, प्रिती राई, अनिता केसी
फरवार्डः अमिषा कार्की, रेखा पौडेल, सावित्रा भण्डारी, रश्मी कुमारी घिसिङ, निर्मला विक
