काठमाडौँ । राष्ट्रिय योजना आयोगको सदस्यमा डा जयकान्त राउत नियुक्त हुनुभएको छ । उहाँ च्याउ वैज्ञानिक हुनुहुन्छ । मन्त्रिपरिषद्को बैठकले उहाँलाई योजना आयोगको सदस्यमा नियुक्त गरेको हो ।
उहाँले बिहीबार पद तथा गोपनीयताको शपथ लिएर कार्यभारसमेत सम्हालिसक्नुभएको छ । ललितपुरको फुल्चोकीबाट संसारकै नयाँ प्रजातिको च्याउ उहाँले पत्ता लगाउनुभएको थियो । साथे नास्टको फेकल्टी अफ साइन्सको बायोलोजिकल रिसर्च युनिटमा रहेर नेपालमा पाइने ढुसीलाई एकीकृत गरेर जानकारी दिने उद्देश्यले पहिलो पटक ढुसीको डेटाबेस निर्माणको काम गर्नुभएको थियो ।
वैज्ञानिक राउत नास्टबाट राजीनामा दिएर राजनीतिमा आउनुभएको थियो । गत मंसिर ४ गते सम्पन्न प्रतिनिधिसभा सदस्य निर्वाचनमा उहाँले जनमत पार्टीबाट सप्तरी क्षेत्र नम्बर १ बाट उम्मेदवारी दिनुभएको थियो । उहाँ निर्वाचनमा जनता समाजवादी पार्टीका नवलकिशोर साहसँग पराजित हुनुभएको थियो ।
डा झा जनमत पार्टीका अध्यक्ष सिके राउतका सहोदर दाजु हुनुहुन्छ ।
