काठमाडौँ । उच्चस्तरीय राजनीतिक संयन्त्रको बैठक भोलि बिहीबार बस्ने भएको छ ।
प्रधानमन्त्री पुष्पकमल दाहाल प्रचण्डले बुधबार उच्चस्तरिय राजनीतिक संयन्त्रका संयोजकसमेत रहनुभएका एमाले अध्यक्ष केपी शर्मा ओलीलाई भेट्न उहाँकै निवास बालकोट पुग्नुभएको थियो ।
अध्यक्ष ओलीसँगको छलफलमा आफूहरुबीच उच्चस्तरिय राजनीतिक संयन्त्रको बैठक बोलाउन सहमति भएको प्रधानमन्त्रीको सचिवालयले जनाएको छ ।
भोलि बस्ने बैठकमा राष्ट्रपतिको उम्मेदवारबारे छलफल हुने पनि बताईएको छ । राष्ट्रपतिको निर्वाचन आगामी फागुन २५ गते हुनेछ । नेकपा एमालेले पूर्वसहमति अनुसार राष्ट्रपति पदको दावी गरिरहेको छ । तर नेकपा माओवादी केन्द्रका अध्यक्ष समेत रहनुभएका प्रचण्ड भने सहमतिका आधारमा राष्ट्रपति चयन गर्नुपर्ने पक्षमा हुनुहुन्छ ।
