काठमाडौं । बानेश्वरस्थित संघिय संसदभवन अगाडी आत्मदाह गरेका प्रेमप्रसाद आचार्यको परिवारले बीमाबापत दावी रकम रु ५० लाख पाएका छन् ।
सन नेपाल लाइफ इन्स्योरेन्स कम्पनीले आचार्यको आश्रित परिवारलाई ५० लाख १२ हजार १९४ रुपैयाँ दावी भुक्तानी गरेको हो ।
कम्पनीले ५० लाख बीमा बापतको रकम र १२ हजार १९४ रुपैयाँ बोनस थप गरी भुक्तानी गरेको सन लाइफका प्रमुख कार्यकारी अधिकृत राजकुमार अर्यालले बताए । कम्पनीले मृतककी श्रीमती नानुका अधिकारीको नाममा चेकमार्फत दाबी भुक्तानी गरेको छ ।
आचार्यले सो कम्पनी मार्फत ५० लाख रुपैयाँको धनञ्जय बीमा पोलिसी खरिद गरेका थिए । उनले आत्मदाह गर्नु अगाडि सामाजिक सञ्जालमार्फत नेपाल लाइफका अभिकर्ता तथा कर्मचारीले बीमा पोलिसी खरिद गर्दा ४/५ लाख रुपैयाँ खाइदिएको आरोप लगाएका थिए ।
