सुदूरपश्चिम । सुदूरपश्चिम प्रदेश सरकारलाई नागरिक उन्मुक्ति पार्टी (नाउपा) ले विश्वासको मत नदिने निर्णय गरेको छ । सुदूरपश्चिम प्रदेशसभाको भोलि हुने विश्वासको मत लिने प्रयोजनका लागि नाउपाले कसैलाई पनि मत नदिने निर्णय गरेको हो ।
नाउपाको उक्त निर्णयसँगै सुदूरपश्चिम प्रदेश सरकार संकटमा परेको छ । नाउपाले राजबन्दीहरु रिहा गर्नुपर्ने पार्टीको माग पूरा नभएसम्म कसैलाई पनि मत नदिने पार्टी अध्यक्ष रञ्जिता श्रेष्ठ चौधरीले बताउनुभयो ।
मुख्यमन्त्री राजेन्द्रसिंह रावलले भोलि प्रदेशसभामा विश्वासको मत लिने कार्यक्रम छ ।
