काठमाडौं । राष्ट्रिय स्वतन्त्र पार्टी (रास्वपा)का तीन मन्त्रीको राजीनामा स्वीकृत भएको छ ।
राष्ट्रपति कार्यालयका अनुसार श्रम, रोजगार तथा सामाजिक सुरक्षामन्त्री डोलप्रसाद अर्याल, शिक्षा, विज्ञान तथा प्रविधिमन्त्री शिशिर खनाल र स्वास्थ्य तथा जनसंख्या राज्यमन्त्री तोसिमा कार्कीको राजीनामा स्वीकृत गरिएको हो ।
राजीनामापछि रिक्त शिक्षा र श्रम मन्त्रालयको कार्यभार प्रधानमन्त्री पुष्पकमल दाहाल ‘प्रचण्ड’ लाई तोकिएको राष्ट्रपति कार्यालयले जनाएको छ ।
रास्वपाले आइतबार सरकारमाथिको समर्थन कायम राख्दै सरकारबाट बाहिरिने निर्णय गरेको थियो ।
