काठमाडौं । नेकपा एमाले कार्यदलको बैठक आज बस्दैछ । विहान ८ बजे बस्ने भनिएको बैठक ९ बजे पनि सुरु हुन सकेको छैन । वरिष्ठ नेता माधव कुमार नेपाल पक्ष अहिलेसम्म सिंहदरबार पगेका छैनन् भने यता अध्यक्ष केपी शर्मा ओली पक्ष सिंहदरबारस्थित अर्थमन्त्रालयमा पुगिसकेका छन् ।
ओली पक्ष नेपाल पक्षका कार्यदलका सदस्यको पखाईमा छ । यद्यपी हिजो (शनिबार) नै पार्टी अध्यक्ष एवं प्रधानमन्त्री केपी शर्मा ओली पक्षका कार्यदल संयोजक सुवास नेम्बाङले आइतबार सबैले सुखद खबर सुन्न पाउने बताएछन्। ‘आइतबार बिहान ८ बजे सुखद समाचार सुन्न पाउनुहुन्छ’, नेता नेम्बाङले भनेका थिए।
यता नेपाल पक्षका कार्यदल संयोजक भीम रावलले पनि हिजो सहमतिको अन्तिम बिन्दुमा रहेकाले छिट्टै निष्कर्षमा पुग्ने आश्वासन दिलाएका थिए । ।
