काठमाडौँ । राष्ट्रिय प्रजातन्त्र पार्टी (राप्रपा) ले पार्टीको आधिकारिक लेटरप्याड र छापको दुरुपयोग गरी सार्वजनिक रूपमा भइरहेका वक्तव्य तथा गतिविधिप्रति गम्भीर ध्यानाकर्षण भएको जनाएको छ।
पार्टीका महामन्त्री एवं सचिवालय प्रमुख राजेन्द्र गुरुङले साेमबार जारी गरेको विज्ञप्तिमा पार्टीको लेटरप्याड र छाप प्रयोगसम्बन्धी व्यवस्था पार्टीको विधान, प्रचलित अभ्यास तथा परम्पराअनुसार निर्धारण गरिएको उल्लेख गरिएको छ।
विज्ञप्तिमा निर्धारित प्रक्रिया विपरीत लेटरप्याड र छाप प्रयोग नगर्न तथा यसको दुरुपयोग रोक्न सम्बन्धित सबै पक्षलाई आग्रह गरिएको छ।
राप्रपाले पार्टीको औपचारिक बैठकमा सहभागी नहुने, छुट्टै भेला, बैठक तथा छलफल सञ्चालन गर्ने र समानान्तर गतिविधि अगाडि बढाउने कार्यले पार्टीका कार्यकर्ता तथा शुभेच्छुकमा भ्रम सिर्जना गरेको जनाएको छ।
यस्ता गतिविधि तत्काल बन्द गर्न सम्बन्धित पक्षलाई पार्टीले सचेत गराएको छ।
