काठमाडौँ । चितवन निर्वाचन क्षेत्र नं २ का प्रतिनिधिसभा सदस्य निर्वाचनमा पराजित उम्मेदवार उमेश श्रेष्ठले निर्वाचन आयोगसमक्ष आधिकारिकरुपमा आफूलाई निर्वाचित भएको प्रमाणपत्र दिन निवेदन दिनुभएको छ ।
चितवन निर्वाचन क्षेत्र नं २ बाट निर्वाचित राष्ट्रिय स्वतन्त्र पार्टी (रास्वपा) का अध्यक्ष रवि लामिछानेको सांसद पद नागरिकता विवादसम्बन्धी मुद्दामा सर्वोच्च अदालतले खारेद गरिदिएपछि निकटम प्रतिद्वन्द्वीका हैसियतले उक्त पद आफूलाई प्रदान गर्न श्रेष्ठले आयोगसमक्ष निवेदन दिनुभएको हो ।
नेपाली नागरिकताको प्रमाणपत्र नभएको अवस्थामा लामिछानेले उक्त क्षेत्रबाट निर्वाचित भएको भन्दै अदालतले उहाँको सांसद पद खारेज गरेको थियो ।
