काठमाडौं । रास्वपाका सभापति रवि लामिछानेले पार्टीको बैठकले आज ठोस निर्णय लिने जनाउनु भएको छ ।
सामाजिक संञ्जालमा एक स्टाटस पोष्ट गर्दे लामिछानेले आजको बैठकले ठोस निर्णय लिने जनाउनु भएको हो ।
उहाँले लेख्नुभएको छ –पार्टीको बैठकले आज ठोस निर्णय लिन्छ त्यो आफ्नै ठाउँमा छ। त्यस लगत्तै पार्टी कार्यालय बाट आज म विषेश पत्रकार सम्मेलन गर्दैछु। म चाहन्छु सिङ्गो देश र विदेशमा रहनुहुनेहरु सबैले आजको पत्रकार सम्मेलन हेरुन्, सुनुन्। मैले सिधाकुरा नगरेको धेरै भएछ।
नागरिकताको बिवादका कारण सर्वोच्च अदालतको आदेश पछि सांसद , उपप्रधान तथा गृहमन्त्री र दलको अध्यक्ष गुमाएका लामिछाने पुन नागरिकता लिएर दलको अध्यक्ष बन्नुभएको थियो । तर आफूले गृह मन्त्रालय नपाए सरकारबाट बाहिरिने चेतावनी दिँदै आएको रास्वपाले सरकारमा बस्ने कि नबस्ने भनेर पटक पटक बैठक बसेपनि निर्णय भने गर्न सकेको छैन ।
