एजेन्सी । युरो २०२० फुटबलको उपाधिका लागि आज आइतबार राति इंग्ल्यान्ड र इटालीले प्रतिस्पर्धा गर्दैछन् ।
इंग्ल्यान्डको वेम्बली स्टेडियमा हुने फाइनल खेल राति १२ः४५ बजे सुरु हुनेछ ।
इंग्ल्यान्ड पहिलो पटक युरोकपको फाइनल खेल्न लाग्दा एक पटकको च्याम्पियन इटाली भने चौंथो पटक फाइनल खेल्दैछ ।
इंग्ल्यान्ड सन् १९६६ पछि पहिलो पटक मुख्य प्रतियोगिताको फाइनलमा प्रवेश गरेको छ ।
इंग्ल्यान्ड र इटालीबीच हालसम्म २७ खेलमा प्रतिस्पर्धा भएको छ । इटालीले ११ खेल जितेको छ भने ८ खेलमा इंग्ल्यान्ड विजयी भएको छ । यस्तै ८ खेल बराबरीमा टुंगिएको छ ।
