काठमाडौँ । जनता समाजवादी पार्टी (जसपा) का सांसद राजकिशोर यादवले प्रेमप्रसाद आचार्यको आत्मदाहले आफूलाई जनप्रतिनिधि हुँ भन्न पनि लज्जाबोध भएको बताएका छन् ।
बुधबारको प्रतिनिधि सभाको बैठकमा बोल्दै सांसद यादवले नेपाली युवाले संसद भवन अगाडि आत्मदाह गर्दा पनि सांसदमा कसैलाई चासो नभएको भन्दै आपत्ति जनाएका हुन् ।
प्रेमप्रसाद आचार्यको आत्मदाह घटनालाई स्मरण गराउँदै सांसद यादवले भने– ‘जुन घटना भयो त्यो घटनाको बारेमा सोंच्दापनि हामी जनप्रनिधि हौं भन्न लज्जाबोध भएको छ । आज हामी यो संसदमा बहस गरिरहेका छौं । तर यही सदनको अगाडि एकजना नेपाली युवाले म यो देशमा गरिखान पाइन भनेर आत्मदाह गर्छ । उनको बारेमा कसैलाई चिन्ता भएन ।’
