एजेन्सी । भारतको सुरतकी एक महिलालाई बलात्कार गरेको आरोपमा आसाराम बापुलाई मंगलबार आजीवन कारावासको सजाय सुनाइएको छ ।
गुजरातको गान्धीनगर सत्र अदालतले सोमबार आसारामलाई दोषी ठहर गरेको हो । यसअघि २५ अप्रिल २०१८ मा जोधपुर अदालतले आसारामलाई यूपीमा नाबालिग बलात्कार गरेको आरोपमा आजीवन कारावासको सजाय सुनाएको थियो । आसारामको पेशी भिडियो कन्फरेन्सिङबाट भएको थियो ।
यस मामिलामा आसारामकी श्रीमती सहित अन्य ६ जना अभियुक्त थिए । अदालतले आसारामलाई दोषी ठहर गरेको छ । सुनुवाइका क्रममा एक अभियुक्तको मृत्यु भएको थियो । अदालतले प्रमाणको अभावमा बाँकी पाँच अभियुक्तलाई सफाइ दिएको छ ।
यो मुद्दा सन् २०१३ मा दर्ता भएको थियो । करिब १० वर्षअघि सुरतकी एक महिलाले आसारामलाई अहमदाबादको मोटेरास्थित आफ्नो आश्रममा बारम्बार बलात्कार गरेको आरोप लगाएकी थिइन् । यस विषयमा अहमदाबादको चन्दखेडा पुलिस स्टेशनमा एफआईआर दर्ता गरिएको थियो ।
एफआईआरका अनुसार अहमदावाद सहरको बाहिरी भागमा रहेको एक आश्रममा २००१ देखि २००६ सम्म महिलालाई पटकपटक बलात्कार गरिएको थियो । ती महिला त्यतिबेला आसारामको आश्रममा बस्दै आएकी थिइन् । प्रहरीले सन् २०१४ को जुलाईमा मुद्दा दायर गरेको थियो ।
