काठमाडौँ । प्रधानमन्त्री पुष्पकमल दाहाल प्रचण्डले सकेसम्म गठबन्धन नटुटोस् भन्ने आफ्नो कोसिस रहने बताउनुभएको छ ।
राष्ट्रिय स्वतन्त्र पार्टी (रास्वपा) ले पुनः गृह मन्त्रालय नपाए सरकारबाट बाहिरिने चेतावनी दिएपछि प्रधानमन्त्री प्रचण्डले गृहमन्त्रालयकै कारण गठबन्धन नटुटोस् भन्ने चाहना रहेको बताउनुभयो ।
नेकपा (माओवादी केन्द्र) को पदाधिकारी बैठकबाट निस्कँदै गर्दा सञ्चारकर्मीले राखेको जिज्ञासामा उहाँले भन्नुभयो, “हामी सल्लाह गर्दैछौँ, सकेसम्म यो गठबन्धन नटुटोस् भन्ने मेरो कोसिस छ ।”
बैठकमा उहाँले सर्वोच्च अदालतबाट रवि लामिछानेको नागरिकतासम्बन्धको मुद्दाको फैसलाका पूर्ण पाठ अनाएसम्म गृह मन्त्रालयबारे कुनै निर्णय नलिने बताउनुभएको थियो ।
