एजेन्सी । अडानी समूहका अध्यक्ष गौतम अडानी विश्वका १० धनीहरुको सूचीबाट बाहिरिएका छन् । ब्लूमबर्ग विलियनर्स इन्डेक्सका अनुसार अडानीले एकै दिनमा ८ अर्ब डलर गुमाएका छन् । जनवरी २९ मा उनको कुल सम्पत्ति ९२(७ बिलियन डलर थियो, जुन सोमबार ८४.४ बिलियन डलरमा झरेको छ । यसले अडानीलाई सूचकांकमा ११ औं स्थानमा पुर्यायो ।
एक हप्तामा अडानीको नेटवर्थ ३५.६ बिलियन डलरले घटेको छ । अदानीको कुल सम्पत्ति २० नोभेम्बर २०२२ मा १५० बिलियन डलर पुगेको थियो । त्यहाँबाट, अडानीको कुल सम्पत्ति ६५.५ बिलियनले घटेको छ । गौतम अडानीको समूह भारतको सबैभन्दा ठूलो पोर्ट अपरेटर हो । यो समूह भारतको सबैभन्दा ठूलो थर्मल कोइला उत्पादक र सबैभन्दा ठूलो कोइला व्यापारी पनि हो ।
अडानी ४ अप्रिल २०२२ मा सेन्टीबिलियनियर्स क्लबमा सामेल भए । १०० बिलियन डलर भन्दा बढीको नेटवर्थ भएका व्यक्तिहरूलाई सेन्टिबिलियनर भनिन्छ । त्यसअघि अप्रिल २०२१ मा अदानीको कुल सम्पत्ति ५७ अर्ब डलर थियो । आर्थिक वर्ष २०२१–२०२२ मा अडानीको कुल सम्पत्ति विश्वमा सबैभन्दा छिटो बढ्यो । अडानी समूहका सात सार्वजनिक सूचीकृत कम्पनी छन् ।
अमेरिकाको रिसर्च फर्म हिन्डनबर्गको रिपोर्ट आएको थियो । प्रतिवेदनले अडानी समूहलाई स्टक हेरफेर, मनी लन्ड्रिङ र लेखा ठगीमा संलग्न भएको आरोप लगाएको छ । यसपछि अडानी समूहको शेयरमा भारी गिरावट आएको थियो ।
