काठमडौँ । रवि लामिछाने र प्रधानमन्त्री पुष्पकमल दाहाल प्रचण्डबीच भेटवार्ता भएको छ ।
जिल्ला प्रशासन कार्यालय काठमाडौंबाट नागरिकता लिएर पार्टी सभापतिमा पुनः चयन भएपछि उहाँ प्रचण्डलाई भेट्न दोस्रो पटक बालुवाटार पुग्नुभएको हो ।
सर्वोच्च अदालतबाट नागरिकता प्रकरणमा दोषी पाइएपछि लामिछानेले उपप्रधान तथा गृहमन्त्री पद गुमाउनुभएको थियो । साथै उहाँको सांसद पद र पार्टी सभापति पदपनि गएको थियो ।
गृहमन्त्रीबाट लामिछाने हटेपछि प्रचण्डले नै सो मन्त्रालय सम्हालिरहनुभएको छ । यता, राष्ट्रिय स्वतन्त्र पार्टीले गृह मन्त्रालय कुनै हालतमा नछाड्ने अडान राख्दै आएको छ । गृहमन्त्रालयमा पुनः आफ्नो पार्टीको दाबी रहेको भन्दै सरकारबाट बाहिरिने चेतावनी समेत दिएको छ ।
