काठमाडौँ । आज सत्तारुढ दल नेकपा (माओवादी केन्द्र) को पदाधिकारी बैठक बस्दैछ ।
पार्टी केन्द्रिय कार्यालय पेरिस डाँडामा बस्ने बैठकमा गृह मन्त्रालयबारे छलफल हुने बताइएको छ । सत्तारुढ गठबन्धनबिचको भागबन्डामा राष्ट्रिय स्वतन्त्र पार्टीलाई गृहमन्त्रालय परेको थियो ।
रास्वपाबाट उपप्रधान एवं गृहमन्त्री बनेका पार्टिका सभापति रवि लामिछानेको नागरिकता विवादमा सर्वोच्च अदालतले अवैध ठहर गरेको थियो । सर्वोच्चले दोषी ठहर गरेसँगै उनले उपप्रधानमन्त्री तथा गृहमन्त्री र राष्ट्रिय स्वतन्त्र पार्टीको सभापति पद समेत गुमाएका थिए ।
आईतवार जिल्ला प्रशासन कार्यालय काठमाडौंबाट पुनः नेपाली नागरिकता प्राप्त गरेसँगै रवि पुनः पार्टीको सभापतिमा नियूक्त भएका थिए । यससँगै रास्वपाले पुनः गृहमन्त्रीको दाबी गरेको छ ।
सोहि राजनीतिक घटनाक्रमबारे छलफल गर्न माओवादीले पार्टीको पदाधिकारी बैठक बोलाएको बताईएको छ ।
