काठमाडौँ । नेकपा (माओवादी केन्द्र) का उपाध्यक्ष कृष्णबहादुर महराले स्थायी कमिटी बैठकमा छुट्टै प्रतिवेदन पेस गर्ने हुनुभएको छ । पार्टी एकताका विषयमा विभिन्न शक्तिसँग भएको प्रगतिका बारेमा उहाँले छुट्टै प्रतिवेदन पेस गर्न लाग्नुभएको हो ।
महरा वार्ता टोलीका संयोजकसमेत हुनुहुन्छ । प्रतिवेदनमा उहाँले अहिलेसम्म कुन कुन शक्तिसँग छलफल भयो र छलफलको अवस्था के छ भन्ने विषयमा प्रतिवेदन पेस गर्न लाग्नुभएको बताइएको छ ।
माओवादी केन्द्रको पदाधिकारी बैठकले गत पुस २३ गते महराको नेतृत्वमा वार्ता टोली गठन गरेको थियो । टोलीमा महासचिव देव गुरुङ, उपमहासचिव गिरिराजमणि पोखरेल, जनार्दन शर्मा, वर्षमान पुन र शक्तिबहादुर बस्नेत सदस्य हुनुहुन्छ ।
