काठमाडौं । आज सत्तारुढ दल नेकपा (माओवादी केन्द्र) को स्थायी कमिटीको बैठक बस्दैछ ।
समसामयिक राजनीतिक घटनाक्रमबारेमा छलफल गर्न बैठक बोलाइएको महासचिव देव गुरुङले बताए । बिहान ११ बजे पार्टी केन्द्रिय कार्यालय पेरिस डाँडामा बस्ने बैठकमा पार्टी संगठन विकास र विस्तारको विषयमा पनि छलफल हुने उनले बताए ।
यस्तै, बैठकमा समसामयिक राजनीति, सरकारको प्रभावकारिता, पार्टीका विभाग र भ्रातृ संघ संगठनको पुनः गठन सम्बन्धी पनि छलफल हुने बताइएको छ । साथै बैठकमा डा। बाबुराम भट्टराई नेतृत्वको नेपाल समाजवादी पार्टीसँग भइरहेको एकताको प्रयास र अहिलेसम्मका उपलब्धिका बारेमा चर्चा हुनेछ ।
