काठमाडौं । सरकारले क्रसर उद्योगहरु संञ्चालन गर्न दिने भएको छ ।
गृह मन्त्रालयले मापदण्ड पुरा गर्नका लागि आगामी असार मसान्तसम्मको समय सीमा दिने गरी दर्ता भएका उद्योगहरु चल्न दिने निर्णय गरेको हो ।
मन्त्रालयका अनुसार अनुसार असारसम्म पनि मापदण्ड पुरा नभएका उद्योग पुनः बन्द गरिनेछ । मन्त्रालयका अनुसार विना अनुमति संचालित सबै क्रसर उद्योग बन्द रहने र आयोजना विशेषका लागि खुलेका तर आयोजना सम्पन्न पश्चात पनि चलिरहेका क्रसर उद्योगहरु पनि बन्द रहनेछन् ।
गृह मन्त्रालयले २० पुसमा सबै जिल्ला प्रशासन कार्यालयहरुलाई पत्राचार गर्दै दर्ता विना र मापदण्ड विपरीत चलेका क्रसरहरु बन्द गर्न निर्देशन दिएको थियो ।
