• १७ असार २०८१, सोमबार
  •      Mon Jul 1 2024
  •   Unicode
Logo

प्रेमको परिवार भेट्न अस्पताल पुगे गृहमन्त्री लामिछाने



काठमाडौं । उपप्रधान तथा गृहमन्त्री रवि लामिछाने आत्मदाह गरेका प्रेमप्रसाद आचार्यको परिवारलाई भेट्न कीर्तिपुर अस्पताल पुगेका छन् ।

मंगलबार दिउँसो  संसद भवन अगाडि आत्मदाहको प्रयास गरेका आचार्यको बुधबार बिहान उपचारको क्रममा निधन भएको थियो ।

उनको निधन भएपछि गृहमन्त्री लामिछानेले नयाँ दलहरूको आगमनले पनि उत्साह र आशा जगाउन नसक्नुमा आफ्नो दोष भएको स्विकार गरेका थिए ।

गृहमन्त्री लामिछानेले भनेका छन्–, ‘दुख त मलाई यसमा लागेको छ कि हामी जस्ता नयाँहरूको आगमनले समेत तपाईँमा उत्साह थप्न सकेन, आशा जगाउन सकेन । आत्मदाहको निर्णय फेर्न सकेन । यसमा हामी दोषी छौँ, म दोषी छु। प्रेम आचार्य जी, नयाँ राजनीतिक दल र नेताको रूपमा तपाईँमा आशा जगाउन सकेनौँ । हामीलाई माफ गर्नु होला ।’