• २१ मंसिर २०८०, बिहीबार
  •      Thu Dec 7 2023
  •   Unicode
Logo
Latest
★   मन्त्रिपरिषद्को बैठक बस्दै ★   चिसोले जमेको पञ्चकुुण्ड तालमा रमाउँदै पर्यटक ★   एनसेल प्रकरण: `अपार करछलि´को गहिरो अनुसन्धान जरुरी : महामन्त्री शर्मा ★   म्यान्चेस्टर युनाइटेडले चेल्सीलाई हरायो ★   एस्टन भिल्लासँग हार्यो म्यान्चेस्टर सिटी ★   प्रमुख अतिथि नपाएर नेपाल बार हैरानीमा ! ★   एनसेल प्रकरण: समिति बनाएर अध्ययन गर्नेकुरा बेकारको नाटक: सभापति लामिछाने ★   एनसेलबारे ४८ घण्टाभित्र धारणा सार्वजनिक गर्न सरकारलाई निर्देशन ★   नक्कली भुटानी शरणार्थी प्रकरण: खाणको निवेदनमा मङ्सिर २८ मा सुनुवाइ ★   चीनद्वारा कार्बनडाइअक्साइड उत्सर्जन उच्च रहेका पाइलट सहरहरूको सूची जारी

प्रधानमन्त्री देउवा र ओली बीचको वार्ता सम्पन्न, दुबै नेताले प्रतिक्रिया दिएनन्



नेपाली काँग्रेसका सभापति एवं प्रधानमन्त्री शेरबहादुर देउवा र नेकपा एमालेका अध्यक्ष केपी शर्मा ओली बीचको वार्ता सकिएको छ।  राती सवा १० बजे प्रधानमन्त्री देउवा बालकोटबाट बालुवाटार फर्किएका हुन। बालकोटबाट बाहिरिने क्रममा देउवाले कुनै प्रतिक्रिया दिनु भएन ।

सत्ता गठबन्धनको बालुवाटारमा बिहीबार साँझ बसेको बैठकमा अमेरिकी सहयोग कार्यक्रम एमसीसी बारे सहमति हुन नसकेपछि प्रधानमन्त्री देउवा एमाले अध्यक्ष ओलीलाई भेट्न ओली निवास बालकोट पुग्नु भएको थियो ।

प्रधानमन्त्री देउवा सत्तारुढ दलको असहमतिका बीच एमसीसीलाई प्रतिनिधिसभाको भोलिको बैठकमा टेबुल गर्ने तयारीमा हुनुहुन्छ, तर संसद सचिवालयले निकालेको कार्यसूचीमा शुक्रबार एमसीसीलाई समेटिएको छैन । तर संसदको कार्यव्यवस्था समितिको बैठक भने बोलाइएको छ ।

दुई नेताबीचको झण्डै २ घण्टा भएको छलफलपछि एमालेका अध्यक्ष ओलीले पनि कुनै प्रतिक्रिया दिनु भएको छैन । दुई नेताबीचको वार्ता भएसँगै बालकोटमा थुप्रै पत्रकार पुगेका थिए ।

सत्ता गठबन्धनमा सहभागी नेकपा (माओवादी केन्द्र), नेकपा (एकीकृत समाजवादी), जनता समाजवादी दलले एमसीसीलाई अहिलेकै अवस्थामा पारित गर्न नहुने अडान राखेका छन् । त्यही कारण आज बिहीबारको सत्तारुढ घटकको बैठक विना निष्कर्ष समाप्त भएको थियो ।

सत्तारुढ दलहरुबीच सहमति नजुटे पछि निकै छटपटिमा रहनु भएका प्रधानमन्त्री देउवा पाँच दलीय गठबन्धनको बैठक सकेपछि एमाले अध्यक्ष ओलीलाई भेट्न बालकोट पुग्नु भएको थियो । जानकारहरुका अनुसार प्रधानमन्त्री देउवा एमसीसीलाई सदनमा प्रवेश गराउन जुनसुकै राजनीतिक कदम चाल्न तत्पर रहनु भएको छ ।

श्री देउवा एमालेलाई मनाएर संसदमा एमसीसी पारित गराउन उद्यत हुनु भएको प्रतित हुन थालेको छ । पाँच दलीय गठबन्धनको बैठक भोलि १० बजेका लागि डाकिएको छ, तर त्यसमा सहमति नभए गठबन्धन सरकार भंग हुनेछ, र एमालेको समर्थनमा देउवाको एकल सरकार बन्नेछ ।