काठमाडौं I एमसीसीबारे सत्ता साझेदार ५ दलीय गठबन्धनका शीर्ष नेताहरूको निर्णायक भनिएको बैठक प्रधानमन्त्री निवास बालुवाटारमा सुरू भएको छ। बिहिबार पनि दलहरु बीच छलफल भएपनि कुनै सहमति नभएपछि फेरी आजपनि दलहरु छलफलमा जुटेका हुन् ।प्रधानमन्त्री शेरबहादुर देउवा आज भोली नै एमसीसी संसदमा टेबल हुनु पर्नै अडानमा हुनुहुन्छ ।
तर, सत्तारुढ नेकपा माओवादी केन्द्रले भने यथास्थितिमा एमसीसी पारित हुन नसक्ने अडान लिएको छ भने एमसीसी टेबल भए सरकारबाट बाहिरिने निर्णय गरिसकेको छ।
गठबन्धन बैठकअघि माओवादी केन्द्रका अध्यक्ष पुष्पकमल दाहाल नेकपा (एकीकृत समाजवादी पार्टी) का अध्यक्ष माधवकुमार नेपाल र जनता समाजवादी पार्टी नेपालका अध्यक्ष उपेन्द्र यादव बीच छलफल गरेर बालुवाटार पुगेका हुन् ।
