एजेन्सी । प्रायः सुपरस्टार र फ्यानबीचको सम्बन्ध भक्त र भगवानको जस्तै हुन्छ भनिन्छ । फ्यानहरूले आफ्नो मनपर्ने स्टारलाई हृदयदेखि माया गर्छन् । उनी सधैं आफ्नो मनपर्ने स्टारसँग भेट्न चाहन्छन् ।
अहिले सामाजिक सञ्जाल र सेल्फीको यो युगमा फ्यानहरुले आफ्नो मनपर्ने स्टारलाई भेट्ने र उनिसँग सेल्फी खिच्ने सपना देख्न थालेका छन् ।
चलचित्र ‘सेल्फी’ ले पनि यस्तै कथा बोकेको छ । अक्षय कुमार र इमरान हाश्मी स्टारर फिल्म ‘सेल्फी’ को ट्रेलर आज रिलिज भएको छ ।
ट्रेलरमा धेरै कमेडी छ भने केही इमोशनल दृश्य पनि छन् । आफ्नो आत्मसम्मानमा चोट लागेको बेला आफ्नो मनपर्ने सुपरस्टारको लागि जे पनि गर्न तयार हुने फ्यानलाई के हुन्छ भन्ने कुरा यसले देखाउँछ । फिल्ममा अक्षय कुमार विजय नामक अभिनेताको भूमिकामा छन् ।
