एजेन्सी । चीनका ८० प्रतिशत जनसंख्यामा कोरोना संक्रमण पाइएको छ । चीनमा कोरोनाले विक्रालको रुप लिइसकेको र यहाँको जनसंख्याको धेरै हिस्सा संक्रमित भइसकेको समाचारमा जनाइएको छ ।
यसैबीच एक प्रमुख वैज्ञानिकले ठूलो खुलासा गरेका छन् । चाइना सेन्टर फर डिजीज कन्ट्रोल एण्ड प्रिवेशनका मुख्य महामारी वैज्ञानिक वू जून्यौका अनुसार चीनमा अगामी दुईदेखि तीन महिनासम्म दोस्रो चरणका कोरोना संक्रमण बढ्ने सम्भावना धैरै कम रहेको छ । किनकी ८० प्रतिशत जनसंख्या संक्रमित भइसकेको छ ।
उनका अनुसार २१ जनवरीदेखि चीनमा सुरु भएको ल्यूनर नयाँ वर्षको बिदाको अवसरमा धेरै संख्यामा यात्रुहरुले यात्रा गरेका थिए । जसले केही क्षेत्रमा संक्रमण बढ्न सक्छ । तर दोस्रो चरणको कोरोना लहरको भने सम्भावना नरहेको उनी बताउँछन् ।
१२ जनवरीसम्म यहाँ करिब ६० हजारभन्दा बढी व्यक्तिहरुको मृत्यु भइसकेको चीनीयाँ सञ्चारमाध्यमले जनाएका छन् ।
