काठमाडौं। प्रधानमन्त्री शेरबहादुर देउवा र अमेरिकी राजदूत र्यान्डी बेरीबीच आज भेटवार्ता भएको छ। अमेरिकी राजदूत बेरी आज (बिहीबार) बिहान प्रधानमन्त्री देउवालाई भेट्न बुढानिलकण्ठस्थित देउवा निवासमै पुग्नु भएको थियो ।
प्रधानमन्त्री देउवाले ट्वीट गर्दै आफ्नो नयाँ कार्यकालमा नेपाल-अमेरिकाबीचको मित्रता र साझेदारीलाई थप सुदृढ गर्ने उल्लेख गर्नुभएको छ । भेटका क्रममा राजदूत बेरीले प्रधानमन्त्रीको रूपमा नियुक्त हुनुभएकोमा देउवालाई बधाई ज्ञापन गर्दै झन्डै ७५ बर्ष लामो नेपाल–अमेरिका मित्रतालाई अझै सुमधुर र सबल बनाउन काम गरीरहने बाइडेन प्रशासनको प्रतिवद्धता पुनः जाहेर गर्नु भएको दुताबासले जनाएको छ ।
