काठमाडौं । प्रतिनिधिसभाको आजको बैठक फागुन ८ गते आईतबार दिनको १ बजे बस्नेगरी स्थगित भएको छ।
बैठक सुरु भएलगत्तै प्रमुख विपक्षी नेकपा एमालेले नारावाजी गर्दै संसदमा अवरोध गरेको थियो।
फागुन ८ गते आईतबार दिउँसो १ बजे बस्नेगरी आजको बैठक स्थगित भएको सभामुखले जानकारी दिनुभयो। प्रमुख प्रतिपक्ष दल नेकपा(एमाले)को अवरोधका बिच संसदमा आदिवासी जनजाति आयोगको प्रतिवेदन आ.व. २०७७/७८ पेश भएको छ । प्रधानमन्त्री शेरबहादुर देउवाको तर्फबाट कानून, न्याय तथा संसदीय मामिला मन्त्री दिलेन्द्र प्रसाद बडुले आदिवासी जनजाति आयोगको प्रतिवेदन आ.व. २०७७/७८ पेश गर्नुभएको हो ।
