काठमाडौँ । नेकपा (एमाले )ले सभामुखमा देवराज घिमिरेलाई उम्मेदवार बनाउने भएको छ ।
एमाले स्रोतका अनुसार सभामुखमा छविलाल विश्वकर्मा र पृथ्वी सुब्बा गुरुङ मुख्य दाबेदारका रुपमा देखिए पनि घिमिरे सभामुख बन्ने सम्भावना रहको छ ।
यसैगरी सत्ता साझेदार दलहरुबीच मन्त्रिपरिषद् विस्तारको भागबन्डा टुंगिएपछि एमालेले आफूले पाउने मन्त्रालयमा पठाउने मन्त्रीहरु पनि मोटामोटी रुपमा टुंग्याएको छ । एमालेले ८ ओटा मन्त्रालय पाउने भएको छ ।
जसमा उपप्रधान तथा अर्थमन्त्रीका रुपमा विष्णु पौडेलले जिम्मेवारी सम्हाल्नु भएको छ । यसैगरी राजेन्द्र राई, दामोदर भण्डारी र ज्वालाकुमारी साहले विना विभागीय मन्त्रीको जिम्मेवारी पाउनु भएको छ । एमाले स्रोतका अनुसार अब थपिने पदम गिरी, हरि उप्रेती र भगवती चौधरी रहनुभएको छ ।
