एजेन्सी । स्पेनिस फुटबल क्लब रियल मड्रिडले पोखरामा आइतबार भएको विमान दुर्घटनामा ज्यान गुमाउनेहरुप्रति श्रद्धाञ्जलि व्यक्त गरेको छ ।
रियलले आफ्नो आधिकारिक फेसबुक अकाउन्टमा स्टाटस लेख्दै विमान दुर्घटनामा ज्यान गुमाउनेका परिवारजनमा गहिरो समवेदना व्यक्त गरेको हो ।
रियलले सामाजिक सञ्जाल फेसबुकमा लेखेको छ, ‘नेपालमा भएको दुःखद विमान दुर्घटनामा आफ्ना प्रियजन गुमाएका सबै परिवारमा हाम्रो समवेदना। हाम्रो सबै शक्ति र साहस पीडित परिवारलाई पठाउँछौँ।’
आइतबार भएको विमान दुर्घटनामा चालक दलका ४ र १५ जना विदेशी गरी ७२ जना यात्रु सवार थिए । दुर्घटनामा हराइरहेकाहरुको अहिले पनि खोजी कार्य जारी छ । यो समाचार तयार पार्दासम्म ६९ जनाको शव भेटिएको छ ।
