काठमाडौं । पोखरामा आइतबार बिहान दुर्घटना भएको यती एयरलायन्सको विमानमा सवार ६६ जनाको शव फेला परेको छ । जसमा ५२ वटा शव अस्पताल पुर्याइएको छ भने ६ वटा शव अस्पताल लैजाने क्रममा छ ।
५ वटा शव खोंचबाट बाहिर निकाल्न लागिएको उद्धारमा खटिएका एक अधिकारीले जानकारी दिए । यस्तै भीरमा अड्किएको अवस्थामा रहेका तीनवटा शव भने निकाल्न नसकिएको उनले बताए ।
विमानमा सवार रहेकामध्ये ६ जना भने अझै भेटिएको छैन । खोज तथा उद्दारको लागि सशस्त्र प्रहरीले दुई सयभन्दा बढी विशेष फौज परिचालन गरेको छ ।
