काठमाडौं । प्रधानमन्त्री शेरबहादुर देउवाले प्रतिनिधि सभामा आजै विश्वासको मत लिने भएका छन्। प्रधानमन्त्री नियुक्त भईसकेपछि प्रधानमन्त्री देउवाले एक महिनाभित्र विश्वासको मत लिनु पर्ने संवैधानिक व्यवस्था छ।
देउवाले विश्वासको मत लिनेबारेको प्रस्ताव संसद सचिवालयमा दर्ता भइसकेको छ । पुनर्स्थापित प्रतिनिधि सभाको आज पहिलो बैठकमै प्रधानमन्त्री देउवाले विश्वासको मत लिन लागेका हुन् । नेकपा (एमाले)का वरिष्ठ नेता माधवकुमार नेपाल समूहका सांसदहरूको समर्थन पाएका देउवा सर्वोच्च अदालतको परामदेशपछि असार २९ गते प्रधानमन्त्री बनेका थिए।
आजको पुनर्स्थापित प्रतिनिधि सभाको बैठक अपरान्ह ४ बजे बस्दैछ ।
प्रतिनिधि सभा नियमावलीमा प्रधानमन्त्रीले विश्वासको मत लिने प्रस्ताव दर्ता गराएपछि सभामुखले समय र मिति तोक्ने व्यवस्था छ।
